End of Season géint d’CFL

Gëschter ass mam Match géint d’CFL eis Bascol Saison 2022-2023 op een Ënn gange. D’CFL huet am éischte Véirel stäerk opgespillt (24:17). Duerno ass bei hinnen awer du guer näicht méi gelaaf an eis Ekipp ass an d’Gäng komm. Endresultat 45:81 fir den BBC Police.

Duerno hu mir zesumme mat de Kollegen vun der CFL nach an enger ganz lockerer Atmospär de Schluss vun der Saison gefeiert.

73:52 géint Team Teaching verluer

Nëmme mat engem reduzéierte Kader konnten mir géint d’Schoulmeeschteren untrieden. Vun Ufank un si mir engem Retard nogelaaf an hatten net déi néideg offensiv Kraaft fir d’Blad ze dréinen. Sou gouf all Véirel verluer. Positiv waer dat eis Jongen trotzdem net opginn hunn.

Victoire géint den Tabelleleader!

67-63 huet eis Ekipp géint d’Spuerkees gewonn. Déi 2 éischt Véirel wäre mir nach net richteg un an hunn vill vum Biss senger Réussite ënner dem Kuerf gelieft. Am 3. Véirel si mir dunn beim Stand vun 32-30 déi éischte Kéier rem virkomm.
De Match gouf dunn ganz flott unzekucken, déi 2 Saïten hu gudde Basket gewissen an d’Féierung huet dauernd alternéiert. Eis ganz Ekipp huet ugefong un eng Victoire ze gleewen a jiddereen huet gebass a getraff.
Zum Schluss gouf et dunn nach eng Kéier ganz spannend. Eng gescheit Pass vum Yannik op den Tom huet dësem erlaabt e wichtegen Dräier ze setzen, d’Spuerkees huet nach eng Kéier mat 2 Points dogéint gehal. Den Tom gouf nach eng Kéier gefoult an hued souverän mat 2/2 vun der Fräiworflinn alles kloer gemeet.
Top Leschtung vun eiser Ekipp a Mention spéciale un de Biss (mat 26Pts beschte Marqueur vum Match) !

Malchance op den Eliminatoiren vun der Bascol Coupe

Den 1. Mätch geint Spuerkees (2mol 15 Minutten) huet eis vill Energie kascht, maer hunn wierklech gudd matgehaalen mais zum Schluss hunn maer mat 38-39 op 1 Punkt verluer.
Direkt duerno hun maer geint den Eurobasket gespillt an duerch en Dreier vum Sam 3 Sekonnen virun Schluss op 3 Punkten gewonnen (41-38).

An der ½ Final hun maer geint Diddeleng gespillt an bis an d’Paus am Fong gudd matgehaalen, dun koum erem eng kleng Schumi & Wirtz Show. Si hunn insgesamt 12 Dreier getraff an daat wuer leider zevill. Endresultat 73-48. Dofir ass den Objektif Coque elo mol em 1 Joer verréckelt 🙂

Kee Problem géint Amazon

Schon nom 1.Véirel wären mir 24-12 vir. Am 2. Véirel ass bei ons vill gewiesselt ginn, de Spillfloss ass verlueren gaang an Amazon huet gekämpft, esou ass dësen Véirel 14-16 verluer gang. No der Paus waer de Géigner dunn total vun der Rull (17-0) an mir woren am Rebound einfach zevill iwwerléen. Endresultat vum Match 81:45.

Mir stinn lo am Mëttelfeld vun der Tabell mat 4 Victoiren aus 7 Matcher.

Schwaachen Optakt an d’Réckronn

86:55 ass den Retourmatch géint d’Lions verluer gaange. Ee katastrophalen éischte Véierel (20:6) huet eis direkt d’Genéck gebrach. Déi 2 Véierel duerno wären méi ausgeglach, mee de néidegen Driff an offensiv Power hu gefeelt vir nach eng Kéier ganz no erun ze kommen. Am leeschte Véierel huet dunn eng ze harmlos Defense e Schummi Festival zougelooss an d’Bier wär geschielt.


Allez Jongen, lo gëllt et sech rem ze sammelen an déi nächst Matcher méi konzentréiert an effikass ze spillen!

WordPress Themes